Band
- Presseskriv
I år 2000 la to dretungar ned dei fyrste byggesteinane i det som skulle bli Lærdals minst verneverdige byggverk: Beinkjør.
To heimebrente album med rølpepunk vart spelt inn delvis på hybel og delvis i eit nedlagt pels-slaktehus før bandet flytta til Bergen for å bli eit ordentleg band.
Vel, i det minste eit band med ful besetning.
Albumet Rock for Rus med den uekte sogneslageren Såggning kom i 2008 og i 2010 kom albumet Skot & Skrømt som tok føre seg livet i Indre Sogn, på godt og vondt.
I 2019 gjenforente Beinkjør seg for ein konsert på festivalen Joreplerock i Lærdal. Kva som skjer vidare veit man ikkje. Knapt bandet sjølv.